معرض "الأبد هو الآن" في الأهرمات من 11 نوفمبر لـ 6 ديسمبر

بنجمع بين الماضي والحاضر وبنفكر في المستقبل. الصور الأولى من معرض "الأبد هو الآن" اللي بتنظمه مؤسسة آرت دي إيجيبت في منطقة أهرامات الجيزة، وبدأ النهاردة 11 نوفمبر ومستمر ليوم 6 ديسمبر، وبيعتبر أضخم معرض للفن المعاصر في منطقة الأهرامات، وبيخلط ما بين الفن القديم المتمثل في الأهرامات والآثار الفرعونية، وبين القطع الفنية الحديثة والتركيبات النحتية، وبيقدمهملك مع بعض في مكان واحد. وتقدر تدخله يوميًا بسعر تذكرة الأهرامات العادية وتستمتع بالجمال ده وسط أحضان الحضارة المصرية القديمة.