مهرجان أسوان لأفلام المرأة أعلن عن منحة لإنتاج 10 أفلام قصيرة

مهرجان أسوان الدولي لأفلام المرأة، أعلن عن إطلاق منحة لوجيستية لإنتاج 10 أفلام قصيرة (روائية أو وثائقية)، ضمن برامج "ورش سينما أسوان"، وهتشارك الأفلام دي في فعاليات الدورة التاسعة اللي هتحصل في الفترة من 2 لـ 7 مايو الجاي.

والمهرجان بدأ في استقبال مشروعات الأفلام اللي بتتناول قضايا المرأة، زي العنف ضد المرأة والأنماط الاجتماعية للقهر وعدم المساواة، سواء كانت في مرحلة التطوير أو الإنتاج أو ما قبل الإنتاج، بالإضافة إلى إن المهرجان بيتيح الفرصة لتنفيذ إنتاج المشروع من خلال فريق استشاري إنتاجي متخصص، وبيمنح أولوية للمبدعين من البنات والشباب من سكان جنوب مصر، بشرط إن مدة الأفلام المتقدمة ماتزيدش عن 7 دقائق. 

ومنحة مهرجان أسوان الدولي لأفلام المرأة، بتدعم 10 مشروعات أفلام قصيرة بشكل كامل، وهتدعم عدد من الأفلام بنسبة 50%، وأفلام تانية بنسبة 25%، وبتتيح الفرصة لمشاركة صانعات وصناع الأفلام من مصر والمنطقة العربية، والتقديم من خلال اللينك ده:

https://tinyurl.com/44hjufmc

جدير بالذكر إن الدورة التاسعة لمهرجان أسوان الدولي لأفلام المرأة تحت عنوان اسم أم كلثوم، بمناسبة الذكرى الـ 50 لرحيلها.