مهرجان الأسكندرية للفيلم هينظم ورشة لصناعة الأفلام للأطفال بالموبايل

مهرجان الإسكندرية الدولي للفيلم القصير في دورته الـ11 أعلن بالتعاون مع مؤسسة دروسوس ومؤسسة وسائل الاتصال من أجل التنمية (آكت) وزهران مول عن ورشة مجانية لصناعة الأفلام القصيرة للأطفال من ١٠ لـ ١٥ سنة من الجنسين، هتتعمل خلال المهرجان من ٢١ لـ ٣٠ أبريل ٢٠٢٥. والهدف من الورشة هو تعليم الأطفال صناعة الأفلام بالموبايل وكتابة قصة قصيرة وتحويلها لفيلم قصير. والورشة هتكون تحت إشراف الفنانة هاجر البدري.

شروط التقديم للورشة:

1. يكون عمر الطفل من ١٠ لـ ١٥ سنة، ومن محافظة الإسكندرية.

2. إن الطفل يكون عنده هوايات زي "الكتابة" أو "القراءة" أو "حكي القصص" أو "التصوير".

3. إن ولي أمر الطفل يعبي الاستمارة، ومش هتقبل الاستمارات من غير ولي الأمر.

4. هيتقبل الأطفال على مرحلتين:

• الأولى: اختيار من الاستمارات.

• الثانية: الطفل لازم يجتاز المقابلة الشخصية مع مشرفي الورشة.

5. إن ولي الأمر يلتزم بحضور الطفل طول فترة الورشة.

آخر ميعاد للتقديم في الورشة هو يوم الثلاثاء ١٦ أبريل ٢٠٢٥. وممكن تقدموا من اللينك ده: 

https://surveyheart.com/form/67df4026d76ce32e04179c30