مهرجان القاهرة الدولي للتمور من يوم 20 لـ 25 فبراير في حديقة الحرية با

مهرجان القاهرة الدولي للتمور هيبدأ دورته الخامسة من يوم 20 لـ 25 فبراير، في حديقة الحرية بالزمالك، وهيجمع كبار منتجي وعارضي التمور اللي بيقدموا أجود وأفضل أنواع التمور في مصر والدول العربية.

المهرجان بيضم فعاليات مختلفة زي: معارض لأنواع التمور، والمسابقات والأنشطة الترفيهية والهدايا، والندوات العلمية عن أنواع التمور وفوايدها، وإزاي تفرق بين التمر الجيد وغير الجيد، ومزادات على الأنواع عالية الجودة.

كمان صفحة المهرجان أعلنت عن توزيع ربع طن تمر هدية على رواد المعرض، بتسجيل اسمك على بوابة الدخول، وهتدخل السحب تلقائيًا، والسحب بيحصل 3 مرات على مدار اليوم، الساعة 1 الضهر و3 العصر و7 بالليل.

وتقدر تعرف كل التفاصيل عن المهرجان من خلال صفحتهم على فيسبوك:
مهرجان القاهرة للتمور Cairo Dates Festival

الصورة لـ وكالة انباء شينخوا