وزارة الثقافة أطلقت مسابقة لإعادة تصميم أغلفة روايات نجيب محفوظ

معرض القاهرة الدولي للكتاب والمشروع الوطني للقراءة أطلقوا مسابقة “عالم نجيب محفوظ” لإعادة تصميم أغلفة روايات نجيب وزارة الثقافة، ممثلة في معرض القاهرة الدولي للكتاب والمشروع الوطني للقراءة، أطلقت مسابقة “عالم نجيب محفوظ” لإعادة تصميم أغلفة روايات نجيب محفوظ، وبدأ التقديم فيها النهاردة وهيستمر لحد يوم 27 ديسمبر.

كل متسابق المفروض هيعيد رسم غلاف واحد من أغلفة واحد من أعمال نجيب محفوظ، والمفروض يختار بين الروايات دي: بين القصرين، وقصر الشوق، والسكرية، واللص والكلاب، وزقاق المدق، وبداية ونهاية، وميرامار، وأحلام فترة النقاهة، وخان الخليلي، والسمان والخريف، والطريق، المرايا.

هيتم اختيار 20 فايز في المسابقة واللي هيكسب هيحطوا أعماله في معرض فني ضمن معرض القاهرة للكتاب، وهياخدوا جوايز عينية مقدمة من المشروع الوطني للقراءة.

غير إن هيتم اختيار 5 فايزين هيكسبوا جوايز مادية، الفايز الأول هياخد 20 ألف جنيه، والتاني 15 ألف جنيه، والتالت 12 ألف جنيه، والرابع 10 آلاف جنيه، والخامس 8 آلاف جنيه، وده بعد تقييمها من لجنة التحكيم المختصة.