Copied
46 مصري في قايمة فوربس لأشهر 100 شخصية عربية
أم الدنيا بقى
27 نوفمبر 2017
"فوربس الشرق الأوسط" عملوا قايمة لأشهر 100 شخصية عربية لسنة 2017، وخير اللهم اجعله خير، تفتح القايمة تلاقي فيها 46 مصري من أصل 100! اللي بيتصدر القايمة هو الهضبة عمرو دياب والمصري اللي بعديه هو عادل إمام في المركز السادس. بعد كده هو أحمد حلمي في المركز ال11، وتامر حسني في المركز الـ12 وشيرين عبدالوهاب في المركز الـ13 ومحمد حماقي في المركز الـ14 وأحمد السقا في المركز الـ17.
في ناس تانية في القايمة زي محمد صبحي ومحمد هنيدي ورامز جلال وغادة عبد الرازق وأمال ماهر وحسن الشافعي ومحمد منير ودنيا سمير غانم.. إلخ. معايير الاختيار والترتيب هي 3 حاجات قالتها المجلة على موقعها الإلكتروني: عدد المتابعين على السوشيال ميديا والسنين اللي اشتغل فيها والنشاطات المؤثرة اللي بيقوم بيها
- الموضوع اللي فات إعلان أسماء النجوم العالميين اللي هيحضروا ختام مهرجان القاهرة السينمائي
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
