600 ألف طن فائض إنتاجي من الأرز و10% انخفاض في أسعاره عن 2024

أكد رجب شحاتة، رئيس شعبة الأرز في اتحاد الصناعات المصرية، إن أسعار الأرز تراجعت بنسبة 10% مقارنة بالسنة اللي فاتت، وده بعد زيادة الإنتاجية، وتحقيق فائض في المحصول وصل لـ 600 ألف طن من الأرز الشعير، وقال كمان إن إنتاج مصر من الأرز الشعير السنة دي بلغ 6.5 مليون طن، والاستهلاك المحلي بيقدر حوالي 3.6 مليون طن، وده بيوضح وجود فائض كبير، وقال إن فائض استهلاك السنة اللي فاتت بيعادل شهرين، وده هيزود من توافر المنتج في الأسواق.

"شحاتة" صرح كمان بإن أسعار الأرز الشعير بتتراوح بين 15 ألف جنيه للطن، وسعر الأرز العريض بيبدأ من 16 ألف جنيه إلى 16.500 جنيه للطن، أما الأرز الأبيض الرفيع، فبيتراوح سعره بين 24 ألف جنيه لـ 25 ألف جنيه للطن في الجملة، ولكن سعر الأرز العريض الأبيض بيبدأ من 27 ألف جنيه لـ28 ألف جنيه للطن.
وسعر الأرز في العبوات سعة 25 كيلو جرام بيتراوح بين 24 جنيه لـ 25 جنيه للكيلو جرام تسليم أرض المضرب، ولكن بيتراوح سعر الأرز العريض للمستهلكين بين 27 جنيه لـ 28 جنيه للكيلو جرام.