أتوبيس بيستضيف أطفال الشوارع عشان يلعبوا بلاي ستيشن

البرنامج القومي حماية "أطفال بلا مأوى"، التابع لوزارة التضامن الإجتماعي بالتنسيق مع صندوق تحيا مصر، بيوفر أتوبيسات مرسوم عليها شعار "احنا معاك .. برنامج حماية الأطفال بلا مأوى"، وبيكون مجهز بشاشة كبيرة ولاب توب وبلاي استيشن وتكييف وبرادة مياه وترابيزة صغيرة عليها قصص وكراسات رسم وألوان.

الأتوبيس بيقف وسط ميدان الجيزة وبيتحرك ناحية أكتوبر وتحديدًا في ميدان الحصرى. الأطفال تحت سن 18 بيترددوا على الأتوبيس عشان يلعبوا ويستمتعوا بوقتهم مع فريق العمل، المكون من أخصائي اجتماعي بيعمل مقابلات للأطفال وملف اجتماعي للطفل، واخصائي نفسي بيرتب مقابلات للأطفال وبيسجل ملاحظات عنهم، وأخصائي للنشاط بيهتم بالنشاط التعليمي والألعاب والرسم والتلوين، والمنسق المعنى بشؤون الحالة، لمتابعة تفاصيل الأطفال اللي متحولين لملاجئ، وتنفيذ خطة تأهيل للطفل، ومُسعف دوره يعالج الجروح البسيطة للأطفال.

ماهر صلاح، المنسق المعنى بشؤون الحالة، بيقول"«احنا بنحاول نكشف عن حالة الطفل هو ساب البيت ليه، ونشوف مشكلته لو مع الأسرة بنحاول نرجعه لأسرته، ولو ماعندوش بنحوله لدار رعاية يقعد فيها". فريق العمل بيبقى متواجد لمدة 6 ساعات يوميًا.

المصدر: المصري لايت