بلدية أبو ظبي هتعمل تلفريك وسط المدينة

بلدية أبو ظبي حاليًا بتدرس إمكانية عمل تلفريك في العاصمة، التخطيط المؤقت للمشروع بيحدد المساحة اللي هيتحرك فيها التلفريك، وهي حوالي 160,000 متر مربع، متوقع إن المشروع يتكلف حوالي 650 مليون وبيهدف إنه يحول كورنيش "بهية" لوجهة ترفيهية للمقيمين في أبو ظبي.

علي حسب موقع step feed، المتوقع إن المشروع يتضمن ٥ محطات بداية من خور المقطع الموازي لطريق العين بأبو ظبي القريب من كوبري المقطع، المحطة التانية ممكن تبقى حديقة الخليفة متبوعة بمسجد الشيخ زايد، والمحطة الرابعة مخطط تكون قريبة من الـRitz Carlton.

المشروع بعد كدة هياخد منحنى لشارع الخليج العربي الموازي لكوبري مصطفي، وينتهي عند المحطة الخامسة اللي هي مشروع القناة وسوق الباري. بلدية أبو ظبي قالت في بيان ليها إن الهدف من المشروع هو تفهم تطلعات المقيمين والزائرين للإمارات، بالإضافة لتسويق مدينة أبو ظبي كوجهة سياحية عالمية وواحدة من أفضل المدن للمعيشة والعمل فيها. 

تقدر تشوف بيان البلدية من هنا