تعديل أسعار تذاكر زيارة متحف الغردقة ومتحف قصر المنيل بداية من 1 أبريل

القرار هيبدأ تنفيذه من 1 أبريل، فسعر دخول متحف قصر المنيل للمصريين هيكون بـ 60 جنيه للزائر، و20 جنيه للطالب.

أما متحف الغردقة فسعر الدخول للأجانب هيزيد وهيكون بـ 300 جنيه للزائر الأجنبي، و150 جنيه للطالب الأجنبي. 

مع ثبات أسعار الدخول للمصريين على السعر الحالي، واللي هو 80 جنيه للزائر المصري، و40 جنيه للطالب.

أما تذاكر العربات الكهربائية بوادي الملوك والدير البحري فهتزيد أسعارها بداية من 1 فبراير، عشان تكون 15 جنيه للزائر المصري، و25 جنيه للزائر الأجنبي.

القرار تم بموافقة مجلس إدارة المجلس الأعلى للآثار خلال جلسته المنعقدة بتاريخ 15 يناير الجاري، واللي فيه وافق على منح تخفيض بنسبة 25% للشركات السياحية على التذاكر المجمعة لمتحف الغردقة لحد يوم 30 يونيو 2026.