أمريكا وكندا والمكسيك فازوا بتنظيم كأس العالم 2026

الملف المشترك اللي قدمته أمريكا وكندا والمكسيك، نجح إنه يفوز بأغلبية أصوات كونجرس الفيفا، وبكده يكونوا هما اللي هينظموا بطولة كأس العالم 2026 بعد 8 سنين. الملف الأمريكي المشترك كان بيتنافس مع الملف المغربي، وقدرت أمريكا الشمالية تاخد 134 صوت، وملف المغرب أخد 65 صوت.

دي تاني مرة يتم تنظيم بطولة كاس العالم بين أكتر من بلد، بعد بطولة 2002 اللي اتنظمت في كوريا واليابان. كمان من المتوقع إن بطولة 2026 تكون أول بطولة يشارك فيها 48 فريق، بدل 32 فريق، وده الرقم اللي بيشارك حاليًا في البطولة.