عمرو دياب هيعمل برنامج على قناة الحياة

استكمالًا لمفاجآت الهضبة، أعلن امبارح "عمرو دياب" إنه داخل برنامج جديد هيتعرض على قنوات الحياة في أكتوبر 2018، ونشر على تويتر صورة بتجمعه بـ "شريف خالد" رئيس مجلس إدارة مجموعة تواصل، اللي بتملك أسهم شبكة قنوات "الحياة"، وظهر فيها الاتنين وهما بيوقعوا العقود الخاصة بالبرنامج.

علَّق عليها "عمرو" وقال: "برنامج جديد على قناة الحياة في أكتوبر 2018"، لكنه ماكشفش أي حاجة عن طبيعة البرنامج وهل هيكون مقدِّم وللا ضيف.

السنة الجاية كمان "عمرو" هيظهر في فيلمه الجديد مع المخرج طارق العريان."عمرو" جرَّب موضوع البرامج قبل كده من خلال برنامج "الحلم"، اللي اتعرض من كذه سنة واستعرض قصة حياته ورحلته.