نقابة الموسيقيين عملت بيان بعد التحقيق مع شيرين عبد الوهاب

المطربة شيرين عبد الوهاب كانت بتخضع امبارح لتحقيق داخلي في نقابة الموسيقيين، بسبب الفيديو اللي اتسربلها في حفلة من حفلاتها وهي بتقول على مية النيل إنها تجيب بلهارسيا. النقابة أصدرت بيان بخصوص التحقيق، بيقول إن شيرين أكدت إنها مش هتدافع عن خطأ وإن الكلمة اللي قالتها كانت مجرد "هزار سخيف" بتعتذر عنه، وإن مافيش حد يقدر يزايد على مصريتها ووطنيتها.

هاني شاكر نقيب الموسيقيين، قال إن شيرين فنانة كبيرة وتحملت المسؤولية والموضوع كله لازم يتقفل دلوقتي، وإن النقابة مش في خصومة مع شيرين والتحقيق ده كان داخلي وغرضه حمايتها فقط. ودعا شاكر الفنانين للتفرغ لدعم مصر فنيًا وثقافيًا، ويسيبوا الموضوع ده لمجلس النقابة لاتخاذ الللازم.