مخرج فلسطيني انسحب من عرض فيلمه في مهرجان القاهرة بسبب سوء جودة العرض

في مفاجأة غير سارة، مشي المخرج فلسطيني الأصل، "هاني أبو أسعد"، أثناء عرض فيلمه الأمريكي اللي كان مقرر عرضه في افتتاح مهرجان القاهرة السينمائي بسبب سوء جودة الصوت والصورة.

مخرج فيلم "The mountain between us-الجبل بيننا" مشي بعد 20 دقيقة بس من العرض، وعلَّق بإنه حزين عشان دي أول مرَّة يعرض الفيلم في الشرق الأوسط، إلى جانب استغرابه من مستوى العرض في المهرجان. واعتذر "أبو أسعد" للجمهور اللي كان حريص على مشاهدة الفيلم، وأكد إنه مايقبلش بعرض فيلمه بالمستوى ده، ووصفها بالإهانة.

قبلها، وبعد مراسم الاحتفال، انصرف نجوم كتير لحفل العشاء وحضر عدد قليل منهم عرض الفيلم. من جانبها، إدارة المهرجان طبعًا اتضايقت من تصرف "هاني" وحاولت تقنعه بعرض الفيلم مرَّة تانية لكنه أصر على موقفه.

نجوم وصانعي السينما في مصر أبدوا أسفهم على اللي حصل ودعموا "هاني"، منهم المخرج محمد دياب اللي قال: