ابلكيشن "Ayopoligami" بيساعد اللي عايز يتجوز على مراته

كلنا عارفين هوجة تطبيقات المواعدة أو الـ “Dating applications” وياما سمعنا عنها وعن تيندر وغيره، ومنها تطور أبلكيشنز تحت عنوان “المواعدة الحلال”، بس للأسف الموضوع اتهور وماوقفش عند كدة، ظهر إبلكيشن Ayopoligami، الأبلكيشن اتعمل للرجالة اللي بتدور على التعدد الزوجي، وبيتوصف بإنه أبلكيشن “بيجمع الرجالة بالستات اللي عندهم استعداد يكونوا أسرة أكبر من زوج واحد” اه والله زي ما بقولك كدة.

الابلكيشن اتعمل في بداية السنة عن طريق شركة اندونيسية اسمها Pandu Solusi ولكنه اتوقف مرة واحدة لحد ما رجال الدين يتناقشوا بخصوصه، قبل ما يتوقف كان اتحمل آلاف المرات بالفعل، ورسميًا هيتم إعادة إطلاق الأبلكيشن في أكتوبر بعد ما تم الموافقة عليه من رجال الدين علي أساس شوية تعديلات عملتها الشركة المؤسسة.

الأبلكيشين شرطه الجدية وإن كل واحد يقدم تعريف شخصية وما يثبت حالته الاجتماعية، وجواب من مراته الأولانية بتديله تصريح إنه يتجوز عليها، علشان دا شرط أساسي يخلي التعدد قانوني في أندونيسيا. ولله في خلقه شئون فعلا. تقدر تشوف الأبلكيشن من هنا واحسنلك بلاش عشان منوصلش للمدام وتزعلك.