دبي هتسمح بتصوير الأفلام فيها مجانًا خلال 2018

أعلنت "لجنة دبي للإنتاج التليفزيوني والسينمائي" إنها هتعفي كل شركات الإنتاج المحترفة من الرسوم اللي بتدفع عشان تصور في دبي، لو صوروا خلال سنة 2018، موقع "الإمارات اليوم" قال كمان إن اللجنة اتفقت مع شركة "إعمار" وشركة "نخيل" عشان يساهموا في المبادرة دي ويسمحوا لشركات الإنتاج في التصوير في الأماكن الخاضعة ليهم زي برج خليفة ودبي مول مجانًا. 

وقال مدير العمليات في لجنة دبي للإنتاج التليفزيوني والسينمائي سعيد الجناحي، إن عام 2018 هو عام زايد، اللي بيهدف للتشجيع على الإبداع والابتكار، والمبادرة دي هتطبق من النهارده لحد آخر يوم في السنة، لكن لشركات الإنتاج المحترفة فقط.