سارة جوهر في قائمة Variety العالمية لـ "١٠ مخرجين تتفرج على أعمالهم"

المخرجة المصرية سارة جوهر ظهرت في قائمة مجلة Variety اللي بيقدموا فيها ترشيحات لـ 10 مخرجين تتابع أعمالهم، عشان تكون أول مخرجة مصرية توصل للقائمة دي.

من بين الـ10 مخرجين الصاعدين اللي اختارتهم Variety، بنشوف أسماء زي كريستن ستيوارت، والتر تومسون-هيرنانديز، وأكينولا ديفيز.

اختيار سارة جه بعد النجاح اللي حققته بفيلمها الأول "عيد ميلاد سعيد"، واللي كتبتله السيناريو مع محمد دياب، عن قصة لبنت صغيرة بتشتغل في بيت وبتحاول تنظم حفلة عيد ميلاد. والفيلم من إنتاج أحمد الدسوقي، أحمد عباس، وأحمد بدوي، وشارك في إنتاجه النجم العالمي جيمي فوكس.

فيلم "عيد ميلاد سعيد" اتعرض لأول مرة في مهرجان تريبيكا 2025، وكسب أفضل فيلم دولي، وأفضل سيناريو، وجايزة نورا إفرون لأفضل مخرجة، وكمان اختارته مصر عشان يمثلها في جوائز الأوسكارز.