EDA ePayment Portal أبليكيشن من هيئة الدواء المصرية لدفع رسوم خدماتها

والهيئة وضّحت إن التطبيق بيسمح بسداد كل الرسوم والمستحقات إلكترونيًا بسهولة وأمان، من غير ما يكون في حاجة للتنقل أو التعامل بالكاش، وده ضمن توجه الدولة لتعميم نظام التحول الرقمي وتحقيق الشفافية وتبسيط الإجراءات.

الخدمة الجديدة هدفها توفر الوقت والمجهود الكبير، وكمان هترفع من كفاءة الشغل جوه الهيئة، لأن أي متعامل دلوقتي يقدر يدفع من أي مكان وفي أي وقت من خلال التطبيق، من غير ما يروح مقرات الهيئة.

الهيئة قالت كمان إن التطبيق متاح دلوقتي على جوجل بلاي، وآبل ستور تحت اسم EDA ePayment Portal، ومصمم بأعلى معايير الأمان لحماية بيانات المستخدمين وسرية المعلومات المالية.

وتقدر تنزله من جوجل بلاي من هنا: EDA ePayment Portal   ،وآبل ستور من هنا. https://apps.apple.com/.https://elfaslaonline.com/eda-epayment-portal/id6739752560

وعشان تعرف إزاي تستخدم الأبليكيشن، اعمل الخطوات دي:

1- سجل دخولك من خلال الأبليكيشن أو بحسابك الإلكتروني.​

2- اختار الخدمة اللي محتاجها من بين خدمات الهيئة.​

3- املأ البيانات المطلوبة.​

4- ادفع إلكترونيًا بأمان.​

5- استلم إيصال إلكتروني فوري.​

جدير بالذكر إن إطلاق هيئة الدواء للخدمة دي، هو خطوة مهمة لدعم الشمول المالي وتطوير بيئة العمل في قطاع الدواء، بما يتماشى مع رؤية مصر الرقمية 2025، وأضافت إن الفترة الجاية هتشهد تقديم خدمات إلكترونية جديدة لتسهيل التعامل مع المواطنين وتحسين جودة الخدمة المقدمة.