مصر هتسفّر 166 قطعة أثرية عشان يتعرضوا في أمريكا لمدة 5 سنين

صفحة "الحملة المجتمعية للرقابة على التراث والآثار" على الفيسبوك، نشرت إن مصر هتسفر 166 قطعة أثرية بترجع لعصر الملك توت عنخ آمون، علشان يتعرضوا في معرض اسمه "كنوز الفرعون" بولاية لوس أنجلوس لمدة 5 سنين، متوقع إن حصيلة الدخل للمعرض هتكون حوالي 50 مليون دولار، والتأمين على المعروضات هيكون 600 مليون دولار.

"مصطفى وزيري" أمين عام المجلس الأعلى للآثار، صرَّح بإن معرض توت عنخ أمون في لوس أنجلوس غرضه مش مادي، والغرض هو الترويج للسياحة، وأضاف إن القطع المعروضة لتوت عنخ أمون متكررة، ومش فريدة، وده بيسمح بيه القانون.