السبت فبراير 22, 2025

لأول مرة في تاريخ الإسكواش: 4 لاعيبة مصريين في نهائي بطولة دولية

الإسكواش ده بتاعنا

Fasla Team

لأول مرة في تاريخ لعبة الإسكواش، يكون طرفين النهائي في منافسات الرجال والسيدات لاعيبة مصريين. ده حصل بعد تأهل محمد الشوربجي وعلي فرج لنهائي بطولة هونج كونج المفتوحة، وتأهلت نور الشربيني ورنيم الوليلي لنهائي السيدات عن نفس البطولة. نهائي السيدات اتلعب من شوية وفازت فيه نور الشربيني على رنيم بنتيجة 3/0

لعبة الإسكواش بتشهد سيطرة مصرية في السنين الأخيرة، مع ذلك دي المرة الأولى اللي يكون فيها كل أطراف النهائي مصريين. الشوربجي وفرج تحديدًا، اتقابلوا في نهائي بطولتين مؤخرًا قبل هونج كونج، فلعبوا مع بعض نهائي أمريكا المفتوحة ونهائي بطولة شانيل فاس في إنجلترا، ومرة فاز الشوربجي ومرة فاز فرج

 

 

×