محافظة إسكندرية تعاقدت على أتوبيسات نقل عام بتشتغل بالكهربا

الهيئة العامة لنقل الركاب في محافظة إسكندرية، تعاقدت مع شركة صينية اسمها "ANKAI" علشان توردلهم أتوبيسات نقل عام بتشتغل بالكهربا. وبكده هيوصل أسطول أتوبيسات النقل العام في المحافظة ل 718 أتوبيس وميني باص. الشركة الصينية هتورد 15 باص صديقة للبيئة، وتكلفته أقل في الصيانة والإصلاح ومكيفة.

رغم كده، سعر التذكرة مش هيبقى أكتر من الأتوبيس الغاز الموجود حاليًا. الأتوبيس بيشتغل عن طريق الشحن، بيتشحن في المحطة اللي هو راكن فيها، وبعد ما يخلص رحلته بيرجع يتحشن تاني في نهاية اليوم. الشركة مش هتورد 15 أتوبيس على طول، لكن هيتم توريد أتوبيس واحد لمدة 3 شهور، يشتغل بشكل تجريبي، بعدها نستقبل باقي الكمية.