Happy birthday بقى أول فيلم مصري يفوز بـ 3 جوائز من مهرجان ترايبيكا

الفيلم المصري  Happy birthday للمخرجة سارة جوهر، وشارك في كتابة السيناريو محمد دياب، فاز بـ 3 جوائز من مهرجان ترايبيكا في أمريكا، عشان يكون أول فيلم مصري يحقق الإنجاز ده.

الفيلم من بطولة نيللي كريم وحنان مطاوع وشريف سلامة، وإنتاج أحمد الدسوقي وأحمد بدوي وأحمد عباس، وشارك في إنتاجه النجم العالمي جيمي فوكس، واتعرض في المسابقة الرسمية لمهرجان تريبيكا في أمريكا، ورئيس المهرجان هو روبرت دينيرو.

الفيلم فاز بجوائزأفضل فيلم عالمي وأفضل سيناريو عالمي وأفضل مخرجة لسارة جوهر. سارة قالت في تصريحات صحفية إنها فخورة بالجايزة دي وبتشاركها مع كل شخص آمن بالفيلم من وقت ما كان قصة قصيرة كتبها خالد وشيرين دياب، وبعدها تطور لسيناريو كتبته سارة مع محمد دياب، عن قصة الطفلة ضحى اللي بتحلم تحضر عيد ميلاد.

من ناحيته، قال المخرج محمد دياب إنه سعيد بتصريحات النجم العالمي جيمي فوكس وحماسه للفيلم ومشاركته في إنتاجه من خلال شركته "فوكسهول".