قنوات MBC هتمنع عرض الدراما التركية

قنوات MBC أعلنت يوم الاثنين إنها اتلقت أوامر بوقف كل الدراما التركية بسبب تصاعد التوتر بين أنقرة والدول العربية. وقال مازن حايك المتحدث باسم MBC، إن القرار بيشمل قنوات تليفزيونية كتير منها MBC والحظر ده هيتنفذ بشكل فوري وهيأثر على عرض 6 مسلسلات، وهيأثر على نسبة المشاهدة خصوصًا بين العائلات، وممكن التأثير يوصل لـ 10 سنين قدام.

الحظر بدأ من يوم 2 مارس، وبحسب "حايك" إن ده هيفتح الفرصة قدام الدول العربية عشان يسدوا الثغرة دي ويعملوا دراما أكتر، وهيكون حافز لإنتاج مسلسلات أكتر. MBC وقفت المسلسلات فجأة من غير إنذار ومن غير ما تكمل حلقاتها، لكن تقدر تشوف المسلسلات من خلال شاهد.نت في حالة إنها اتذاعت بشكل كامل على MBC.