نمساويين لبسوا أقنعة بلياتشو للاعتراض على حظر النقاب

مع بداية تنفيذ قانون منع النقاب أو تغطية الوش كله في الأماكن العامة في النمسا، اتجمع مئات من الناس وسط مدينة فيينا علشان يعترضوا على القانون، وكطريقة للاعتراض لبسوا أقنعه مهرجين. القانون مش بس بيشمل النقاب، لكنه بيشمل أي تغطية للوش، زي الأقنعة بتاعت المهرجين وأقنعة التزلج على الجليد.

الحظر بيفرض غرامة قيمتها ١٥٠ يورو على أي حد يغطي وشه وعدم السماح لأي حد مغطي وشه إنه يدخل البلد من على الحدود. يقال إن القانون ده هيضر حوالي ١٥٠ ست عايشين في النمسا، بالإضافة للسياح العرب اللي بيزوروا الدولة. حظر النقاب متطبق برضه في فرنسا وبلجيكيا وبشكل محدود في هولندا.