مهرجان في مصر هيعرض أفلام عن الطب لمدة يومين

في الفترة من 20 لـ 22 أبريل، هيقام ملتقى "ميدفيست" اللي بيهدف إنه يلاقي أرضية مشتركة بين الطب والأفلام السينمائية، وهيعرضوا فيه أفلام ليها علاقة بالطب والصحة النفسية والجسدية وهيكون فيه مناقشات مع دكاترة وصناع الأفلام. 

هيتم عرض 20 فيلم قصير وفيلمين طوال، وورش عن صناعة الأفلام للدكاترة، وتقدمها المخرجة هالة جلال، وهيكون فيه ورشة بيقدمها دكتور نبيل القط عن الأمراض النفسية، وهيكون فيها محاضرة عن العلاج بالتمثيل. الدورة دي من الملتقى اسمها "عنها" وبتركز عن صحة المرأة بشكل عام. 

الملتقى اسسه مينا النجار وهو متخصص في التغذية العلاجية، وخالد علي وهو طبيب بشري وناقد سينمائي بجريدة العلوم الإنسانية الطبية في المملكة المتحدة.  

ممكن تعرف أكتر من هنا.