جماعة سرية في لندن هتدي جوايز للي يأذي المسلمين

من بداية مارس بدأت موجة مضادة لوجود المسلمين في بريطانيا ومحاولة إخراجهم منها، وحددوا يوم 3 إبريل عشان يكون يوم عقاب مسلم - Punish a Muslim Day. وعشان يشجعوا المواطنين على "عقاب" المسلمين، عملوا لهم نظام نقط. لو ضربت مسلم هتاخد 10 نقط، لو شديت حجاب واحدة مسلمة 25 نقطة، لو رميت على وشه مادة كاوية 50 نقطة، ولو فجرت مسجد 1000 نقطة.

الجوابات اتبعتت للمواطنين الإنجليز، في حوالي 6 مناطق، سواء في بيوتهم أو أماكن شغلهم، وبيشجعوهم على رفض قرارات الحكومة بالسماح للمسلمين بالعيش في إنجلترا، وبيقولوا لهم فيها: "ماتكونش جزء من القطيع زي أغلب الشعب". في رد فعل سريع، الشرطة البريطانية لمكافحة الإرهاب، فتحت تحقيق موسع بشأن الجوابات دي، بس لسه مامسكوش أي متورط في الموضوع، وطلبت الشرطة من المسلمين في بريطانيا إنهم يمارسوا حياتهم عادي ومايخافوش.

وكرد فعل مجتمعي، أسس "شهاب إدريس"، المسلم البريطاني مبادرة اسمها Love a Muslim Day عشان ينشر تقبُّل الأخر على السوشيال ميديا، وقال للـ BBC: "فكَّرت أستغل الحملة دي بشكل مضاد، واستخدمت نظام النقط بس بشكل معاكس".

أول رد فعل عربي جه من سفارة الكويت في لندن عن طريق تحذير رعاياها ومطالبتهم بتوخي الحذر.