السعودية هترفع أسعار البنزين بنسبة 80%

السعودية عملت خطة من المفترض إنها ترفع الدعم عن البنزين خلال الشهور الجاية، ولو الخطة اتنفذت هتحصل في نفس الوقت اللي فيه انهيار في أسعار البترول عالميًا. Bloomerg اتكلمت مع مصدر مطلع، اللي قال إن الخطة لو اتنفذت هيسعوا إنهم يرفعوا أسعار البنزين علشان تتساوى مع الأسعار العالمية، في الحالة دي تمن البنزين هيترفع بنسبة 80%، وده هيخلي بنزين ٩١ يزيد لحوالي 1.35 ريال للتر الواحد.

الخطة محطوطة علشان تتنفذ في شهر نوفمبر السنة دي، بس الحكومة ممكن تأجل التنفيذ لحد بداية ٢٠١٨، ومن المتوقع إن الحكومة تاخد قرار نهائي في الموضوع في شهر سبتمبر أو أكتوبر. في شهر ديسمبر ٢٠١٥، الحكومة رفعت سعر بنزين ٩٥ لـ 0.90 ريال للتر الواحد بعد ما كان 0,60 ريال.

برغم إن الأخبار عن ارتفاع أسعار البنزين لسه متأكدتش، إلا إن الناس على السوشيال ميديا قلبت الدينا واعترضت على اقتراح رفع أسعار البنزين.