متحف في أمريكا عمل "أبلكيشن" هيخلي الزوار يشوفوا أبو الهول 3D

متحف Harvard Semitic في أمريكا، هيسمح إن زواره يشوفوا تمثال أبو الهول بتقنية الـ Augmented Reality، اللي طوروها الأساتذة والمقيمين في المتحف، عشان الناس تقدر تشوف التمثال المصري بتقنية ثلاثية الأبعاد 3D. 

الموضوع ده هيتم من خلال تطبيق هيتفعل في المتحف وهيشتغل بموبايلات الزوار، اللي هيقدروا كمان يشوفوا تحتمس الرابع وهو بيشرح نصوص هيروغليفية، أستاذ علم المصريات قال إن المشروع ده هيحسس الزوار إنهم سياح في منطقة الأهرامات في الجيزة. 

التطبيق اتجرب من طلاب جامعة ولقوا إنه شغال ويقدر يوريهم أبو الهول لكنه لسه مش جاهز لوقت الذروة.

Main image from adventure.howstuffworks.com