“Youtube” أعلنوا عن بث مباشر لعرض محمد رمضان في مهرجان كوتشيلا فالي

أعلنت YouTube النهارده عن بث مباشر وحصري لعرض محمد رمضان في مهرجان كوتشيلا فالي للموسيقى الفنون العالمي، ودي هتكون أول مرة يقدم فيها فنان مصري عرض على مسرح كوتشيلا الشهير.
البث ده هيكون مباشرة على قناة كوتشيلا على Youtube ومواعيده:
● الأحد 13 أبريل 2025: 3:20 صباحًا بتوقيت القاهرة
● الأحد 20 أبريل 2025: 3:20 صباحًا بتوقيت القاهرة
وقال محمد رمضان: "أنا متحمس لتقديم الموسيقى المصرية والعربية والإفريقية في كوتشيلا. هيستمتع بيها الجمهور هناك والملايين هيسمعوا موسيقتنا.. ثقة في الله نجاح"
ودي السنة الـ 13 اللي بتبث فيها Youtube مهرجان كوتشيلا العالمي، لكن السنة دي هيكون فيه ميزة multiview feature، يعني هتقدر تتابع حوالي 4 مسارح في وقت واحد.
المهرجان بيشارك فيه نجوم من كل العالم زي ليدي غاغا، وتشارلي إكس سي إكس، وبنسون بون، وميسي إليوت، وميغان ذا ستاليون، وبوست مالون.