بيت الزكاة: "لو كل المصريين دفعوا زكاتهم هنلم 70 مليار جنيه"

الدكتور صفوت النحاس، أمين بيت الزكاة ووالصدقات المصري الخاضع لإشراف الأزهر، قال للمصري اليوم إن جهاز الإحصاء عنده أسماء كل الفقراء في مصر، لكنه مبيقولهاش بحكم التزامه بالقانون والقيم الدولية، لكنه قدم للمؤسسات الخيرية والمحافظين أسماء أفقر 3 قرى في كل محافظة، وإن عبارة "مصر مافيهاش فقراء" مش صحيحة بدليل إن الحكومة بتصرف معاشات تكافل وكرامة لـ3 مليون أسرة بقيمة 17 مليار جنيه. 

"النحاس" قال كمان إن لو كل الناس التزمت بدفع الزكاة المقررة هيبقى حصيلة المبالغ الموجودة في بيت الزكاة 70 مليار جنيه، وسنة 2018 بس هيتم جمع حوالي مليار جنيه، وبيت الزكاة هيوزع مليون كرتونة رمضانية مجانًا بالكامل بقيمة 200 مليون جنيه.  

بيت الزكاة عمل أكشاك في عدة مستشفيات عامة عشان تتحمل تكلفة اللي بيحتاجوا للعلاج من غير القادرين، والمستشفيات دي هي الدمرداش وقصر العينى والحسين الجامعى والزهراء ومعهد الكبد بشبين ومركز الكلى بالمنصورة ومعهد القلب بالقاهرة.