الوادي الجديد عاوزين يدخلوا "جينيس" بأطول سلسلة بلح

منتجين البلح في الوادي الجديد بالتعاون مع مصانع التمور، عملوا أطول سلسلة بلح في المحافظة، السلسلة اتعملت على مسافة ٥ كيلو متر باستخدام ٧٥٠٠ صندوق بلح سيوي نصف جاف، ودا احتفالا بمهرجان النخلة الكريمة -هو اسمه كدة- وقام عدد من الشباب المشاركين بحماية السلسلة اللي كانت فكرة واحد من شباب المحافظة المهتمين بالدعايا للتمور وصناعتها، الهدف من السلسلة كان دخول موسوعة جينيس للأرقام القياسية.

الفعالية بتهدف برضه لتنشيط السياحة وتسويق تجارة البلح، حيث إنه واحد من أهم المنتجات في الوادي الجديد وزراعته بيعتمد عليها ناس كتير هناك، ومع ذلك عندهم مشكلة في الترويج  ليه.