رياضي لبناني بلجيكي هيسافر 7500 كيلو بالعجلة

"بلال غمراوي" لاعب العجل المحترف، اللبناني البلجيكي، بيجهِّز نفسه دلوقتي عشان يسافر من بلجيكا لدبي بالعجلة، لمسافة تقدر بـ 7500 كيلومتر.

الفكرة جت لـ "بلال"، اللي وقع في حب العجل من سنين طويلة. في بداية 2017 أثناء ما كان شغَّال على رسالة الماجستير الخاصة بيه، وقتها ظهرت كفكرة مجنونة غير قابلة للتنفيذ. لكن مع تفكير كتير "بلال" بدأ يتخيل رحلته هتبقى عاملة ازاي وقرر يخوض التجربة.

وعن سر اختياره لدبي، "بلال" قال "حياتي كلها قضّيتها في دبي، لكن دراستي الجامعية في بلجيكا. ده اللي ربطني بالبلدين وعشان كده بحاول أخلق بينهم رابط". في الرحلة هيمر على تركيا ومن المفترض يوصل الشرق الأوسط بعد 60 يوم.