أسرة شكري سرحان اتقدمت بشكوى ضد عمر متولي وأحمد فتحي لنقابة التمثيل

أسرة شكري سرحان، قررت التقدم بشكوى لنقابة المهن التمثيلية ضد عمر متولي وأحمد فتحي، بسبب نقدهم لموهبة "سرحان". ومحسن سرحان، المتحدث باسم عائلة شكري سرحان، قال في مداخلة هاتفية على قناة "الشمس": "احنا استنكرنا الأمر كله واتفاجئنا إن ممثل صغير يقيم ممثل كبير، اللي تم اختياره كأفضل ممثل في تاريخ السينما من بين 100 ناقد، ومخرجين اشتغلوا معاه ووصل للعالمية بكذا فيلم منهم "صراع الحضارة" و"ابن كليوباترا" و"شباب امرأة" واللص والكلاب" اتعرضوا في مهرجان برلين".

وأضاف "محسن": "احنا نزلنا بيان ومش هنسكت على كده، وهنتقدم بشكوى لنقابة الممثلين ضد عمر متولي وأحمد فتحي، وبعد كده احتمال نصعد الموضوع ونلجأ للقضاء علشان نوقف المهزلة دي".

جدير بالذكر إن عمر متولي كان استضاف أحمد فتحي، في واحدة من حلقات البودكاست اللي بيقدمه، ووجه لـ "فتحي" سؤال وهو: "مين تحسه في تاريخ السينما المصرية نجح أوي، بس بنسبة كبيرة مش بسبب موهبته كانت ببركة ربنا؟". فيرد عليه "فتحي" : "معظم جانات السينما المصرية". فيرجع "عمر" ويقوله: "أنا كانت إجابتي على السؤال ده شكري سرحان". فأضاف "فتحي": "كله صغيرين وكبار، ممكن تبقى الموهبة مبططة لكن هو نجم شباك وجان".