أفلام مهرجان القاهرة السينمائي الدولي هتتعرض في سينمات VOX
من 12 لـ 2 نوفمبر
vox سينما أعلنت إنها هتعرض أفلام الدورة الـ 46 لمهرجان القاهرة السينمائي الدولي، والعروض هتكون من ١٢ لـ٢١ نوفمبر الجاري، في نفس وقت فعاليات المهرجان اللي هتقام فعالياته في دار الأوبرا المصرية.
السنة دي المهرجان هيكرّم مجموعة من الأسماء الكبيرة في عالم السينما، زي المخرج محمد عبد العزيز، ومدير التصوير محمود عبد السميع، والممثلة الفلسطينية هيام عباس، والمخرجة المجرية إلديكو إنيدي، وكمان خالد النبوي اللي هيتم تكريمه بجايزة فاتن حمامة.
المهرجان هيعرض أكتر من 130 فيلم من 50 دولة، وهيكون فيه عروض خاصة للأفلام المرممة لأول مرة.
أما أنشطة برنامج أيام القاهرة لصناعة السينما، فهتكون فرصة حقيقية لدعم المواهب الجديدة وصنّاع السينما العرب، من خلال:
- 5 ورش ماستر كلاس مع مخرجين كبار زي نوري بيلجي جيلان، محمد عبد العزيز، وإلديكو إنيدي.
- حوارين مفتوحين مع خالد النبوي وهيام عباس.
- 9 جلسات نقاشية عن موضوعات مهمة زي السرد في زمن الذكاء الاصطناعي، والترميم الرقمي، والإنتاج المشترك.
- الموضوع اللي فات وفاة السيناريست أحمد عبدالله عن عمر 60 سنة
مواضيع مشابهة
الأكثر متابعة هذا الشهر
-
-
11 أكتوبر 2025 -
-
