إلزام "روتانا" بتعويض شيرين عن أغانيها المحذوفة بـ ٢ مليون جنيه
اعرف تفاصيل القضية
محكمة القاهرة الاقتصادية ألزمت شركة "روتانا" بدفع 2 مليون جنيه تعويض لشيرين عبدالوهاب على الأضرار اللي حصلت ليها بعد حذف أغنيتين لها من على "اليوتيوب" منصات التواصل الاجتماعي. شيرين عبدالوهاب قالت في تصريحات تلفزيونية إن عقدها مع "روتانا" كان لإنتاج 12 أغنية، وإن الألبوم التاني كان بموافقة الطرفين، وده معناه إن إصداره مكنش إلزامي، والعقد لم يشترط طرح الألبوم دفعة واحدة، لكن الشركة قررت إصداره بنظام الأغاني المنفردة، وأكدت شيرين إنها كانت ملتزمة بعقدها بالكامل، وإن كل الأغاني كانت جاهزة. وشيرين قالت إنها كانت متعاقدة مع شركة "روتانا" بعد نجاح ألبومها "لازم أعيش"، والعقد كان بينص على تنفيذ حملة دعائية تتناسب مع مكانتها الفنية، وفي حال الإخلال بالعقد، يصبح العقد لاغيًا. وأغنية "مش قد الهوا" اللي نزلت وقت جائحة كورونا، محصلهاش أي دعم ترويجي، وأغنية "كلها غيرانة" رغم إن الشركة موفرتش ليها أي حملات دعائية إلا إن شيرين ألتزمت الصمت عشان تتجنب أي خلافات. وشركة "روتانا" سعت لفرض الاحتكار على حفلاتها، ورفضت تستلم أغانيها عشان تسيطر على حفلاتها الغنائية، رغم عدم وجود بند بيدي الشركة الحق في نسبة من إيرادات الحفلات الحيّة.
- الموضوع اللي فات وزارة الصحة وقعت أاتفاقية لإنشاء اول مركز لتطوير وتحسين أجهزة الأشعة
- الموضوع اللي جاي "علاج الإدمان": زيادة نسبة الإناث المقبلين على العلاج من 1% لـ 4%
