افتتاح معرض "رمسيس وذهب الفراعنة" يوم 8 مارس في اليابان

شريف فتحي، وزير السياحة والآثار، أعلن عن افتتاح معرض الآثار المؤقت "رمسيس وذهب الفراعنة" يوم 8 مارس اللي جاي في طوكيو باليابان، وهيستمر حتى شهر سبتمبر. "طوكيو" تعتبر هي الوجهة السادسة للمعرض في الخارج.

معرض رمسيس وذهب الفراعنة، بيضم حوالي 180 قطعة أثرية تم اختيارهم من المتحف المصري بالتحرير من عصر الملك "رمسيس التاني"، بالإضافة لـ تابوت الملك رمسيس التاني من المتحف القومي للحضارة المصرية، وبعض القطع الأثرية التانية من مكتشفات البعثة المصرية بمنطقة البوباسطيون بسقارة، وعدد من القطع الأثرية من بعض المتاحف المصرية التانية، اللي بتوضح خصائص مميزة للحضارة المصرية القديمة من عصر الدولة الوسطى وحتى العصر المتأخر، من خلال مجموعة من التماثيل، والحلي، وأدوات التجميل، واللوحات، والكتل الحجرية المزينة بالنقوش، بالإضافة لبعض التوابيت الخشبية الملونة.

جدير بالذكر إن معرض "رمسيس وذهب الفراعنة"، بدأ رحلته في نوفمبر سنة 2021 بمدينة هيوستن، بولاية تكساس الأمريكية، وبعدين محطته التانية كانت في أغسطس 2022 بمدينة سان فرانسيسكو بالولايات المتحدة الأمريكية، ومحطته التالتة في أبريل 2023 بالعاصمة الفرنسية باريس، أما محطته الرابعة كانت في متحف سيدني بأستراليا في نوفمبر 2023، ومحطته الخامسة بمدينة كولن بألمانيا في شهر يوليو اللي فات، واللي انتهت في نهاية ديسمبر 2024.

والمعرض حقق نجاح مبهر طول مدة عرضه في المحطات الخامسة، فعدد زوار محطته الأخيرة بألمانيا كان حوالي 200 ألف زائر في الفترة من 19 يوليو حتى 31 ديسمبر 2024، وخلال فترة عرضه لمدة 6 شهور بمتحف سيدني بأستراليا، زاره حوالي 500 ألف زائر، وحقق خلال تواجده بباريس حوالي 817 ألف زائر.