الأمن نجح في تحرير بنت من داخل منزل عمها بعد احتجازها مقيدة بالسلاسل

رجال الأمن بالجيزة، نجحوا من تحرير بنت بعد احتجازها لمدة 6 سنين مقيدة بالسلاسل الحديدية داخل بيت عمها بمنطقة البدرشين، وتم القبض على اخوها وعمها اللي احتجزوها طول الفترة دي. 

مباحث البدرشين تلقت بلاغ من ربة منزل باحتجاز بنتها اللي عندها 25 سنة، مقيدة بالسلاسل. وتوجه رجال الأمن للبيت اللي قالت عليه الأم، والقوات انتقلوا عشان يلاقوا غرفة صغيرة مخفية ومقفولة بقفل حديدي، والأمن فتحوا الغرفة وكانت جواها بنت مقيدة بسلسلة حديدية متثبتة في الحيطة، والتحقيقات كشفت تعرض البنت لاحتجاز قسري، ومعاملة قاسية طول الـ 6 سنين بعد انفصالها عن جوزها.

ورجال الأمن نجحوا في القبض على اخو البنت من والدها اللي عنده 25 سنة، وعمها الموظف بالمعاش، وعمها التاني، وسمعوا لأقوال البنت اللي قالت إنها من 6 سنين ماخرجتش خالص من الغرفة، وإنها اتعرضت للضرب، وده بعد طلاقها من جوزها لشك أسرتها في سلوكها. والبنت قالت كمان للنيابة إن والدها قبل وفاته، كان شريك في حبسها مع عمها واخوها، وإنهم كلهم قاموا باحتجازها داخل الغرفة.