الإعلان عن افتتاح عيادة دكتور هاني الناظر لعلاج المرضى بالمجان قريبًا

الدكتور محمد الناظر، ابن الدكتور الراحل هاني الناظر، أعلن عن مشروع جديد اسمه "عيادة طبيب الغلابة" وهو مشروع عيادة مجانية لتكملة ما بدأه  هاني الناظر لخدمة كل المرضى بدون مقابل.

العيادة مكانها في 4 شارع ميشيل باخوم، قدام المركز القومي للبحوث، الدقي، ورقم التليفون: 01011288191، وهيتم الإعلان عن ميعاد بداية العمل قريبًا على صفحة دكتور هاني الناظر. وأكد "محمد" إن العيادة هتكون مجانية، وهيتم التعاقد مع أطباء على أعلى مستوى، وهيتم عمل مشروع استثماري موازي لتغطية كل مصاريف المشروع.

وأضاف "محمد" إن البداية هتكون عيادة أمراض جلدية فقط، وفي المستقبل هتكبر وهتتوسع في أماكن أكتر وممكن تخصصات أكتر. "محمد" أعلن المشروع ده بمناسبة ذكرى ميلاد والده الدكتور هاني الناظر، علشان تكون صدقة جارية والناس تفضل فاكراه وتدعيله.