بعد غياب 5 سنين.. عودة مكتب التنسيق الإلكتروني للجامعات

الدكتور أيمن عاشور، وزير التعليم العالي والبحث العلمي، أعلن إن مكتب التنسيق المركزي للقبول بالجامعات والمعاهد، هيبدأ العمل في سنة 2025 من جامعة القاهرة (المدينة الجامعية - بين السرايات)، وده بعد غياب 5 سنين. 

والقرار ده  جه بسبب الزيادة الكبيرة في عدد طلاب الثانوية العامة والشهادات الفنية والمعادلة، وكمان علشان يتم ضم كل الشهادات في مكان واحد. المدينة الجامعية قريبة من مركز دعم التنسيق الإلكتروني في كلية الهندسة - جامعة القاهرة، وكمان فيه عدد أكبر من المباني في المدينة الجامعية، هيساعد في تسهيل خدمات خريجي كل الشهادات.

جدير بالذكر إن في سنة 2020، تم نقل مكتب التنسيق من المدينة الجامعية بجامعة القاهرة لمبنى رعاية الشباب بجامعة عين شمس مؤقتًا، عشان المدينة الجامعية كانت مخصصة للحجر الصحي للمصريين اللي رجعوا من الخارج خلال جائحة كورونا.