تطبيق رسوم تحويل على ”إنستا باي“ بداية من شهر أبريل

شبكة المدفوعات اللحظية "إنستاباي" أعلنت بداية تطبيق رسوم على الخدمات اللي بتقدمها من أول إبريل ٢٠٢٥. والرسوم هتكون كالتالي: - حد أدنى 50 قرش وحد أقصى 20 جنيها للتحويل وإتاحة الاستعلام عن الرصيد حتى 10 مرات مجانًا شهريًا. وحددت الشبكة الرسوم الجديدة للتحويل من خلال تطبيق "إنستاباي" بحيث تكون 0.1% من قيمة المعاملة، بحد أدنى 50 قرش وحد أقصى 20 جنيه مصري للمعاملة الواحدة. كمان هيسمح التطبيق 10 عمليات استعلام عن الرصيد أو كشف الحساب المختصر مجانًا شهريًا لكل عميل، ويتم تطبيق رسوم قدرها 50 قرش على كل عملية استعلام إضافية. "إنستاباي" قالت إن الرسوم دي هيتم تطبيقها في ظل التوسع الكبير اللي بيشهده التطبيق من وقت إطلاقه في إبريل 2022، بعد ما تم تقديم خدمات التحويل والاستعلام مجانًا طوال الـ ٣ سنين اللي فاتوا. جدير بالذكر إن عدد مستخدمي تطبيق "إنستاباي" وصل لـ 12 مليون مستخدم في نهاية 2024، والشبكة قالت في بيانها إنها بتستهدف من خلال التحديث الجديد، دعم تطوير البنية التحتية الرقمية والعمل على إطلاق خدمات وميزات جديدة تلبي احتياجات المستخدمين، وضمان استمرار تقديم خدمات الشبكة وتطبيق "إنستاباي" بأعلى معايير الجودة العالمية.