دار الكرمة هتصدر كتاب جديد للكاتب الراحل أحمد خالد توفيق

"ألغام في بحر الذكريات" هتنزل خلال افتتاح معرض الإسكندرية للكتاب في 5 يوليو 2025. الكتاب فكرته جديدة وهي إن فيه 46 قصيدة شعرية كتبهم "توفيق" من وهو 14 سنة ولحد ما بقى عمره 30 سنة، قبل بداية كتابته للسلاسل القصصية، "توفيق" كمان سبق ونوه لموهبته الشعرية في مقال كتبه بعنوان "استقالة شاعر".

 الكاتب الراحل أحمد خالد توفيق من مواليد طنطا سنة 1962، وله مجموعة من الأعمال الأدبية المشهورة، زي سلسلة "ما وراء الطبيعة" واللي نجحت بشكل كبير وشوفناها بتتحول بعد وفاة كاتبها لمسلسل عرضته منصة نتفليكس، ورواية "يوتوبيا" اللي اترجمت للغات كتير.