رئيس الوزراء: خطة لزيادة أعداد الحضانات لخدمة عدد أكبر من الأطفال

من ناحيته، محمد عبد اللطيف وزير التربية والتعليم قال خلال الاجتماع، إن عندنا 30 ألف فصل للحضانات، لكن محتاجين 100 ألف فصل لاستيعاب كل الطلاب. عشان كده لازم نستغل أي منشآت حكومية كفصول لرياض الأطفال لتعليم الأطفال القراءة والكتابة وبعض المهارات الأساسية.

أما الدكتورة مايا مرسي, وزيرة التضامن الاجتماعي, فوضحت إن عندنا 16,560 حضانة، ونسبة الحضانات المرخصة حوالي 80%. وإن تم إنشاء 50 حضانة جديدة، وعدد الأطفال المسجلين في الحضانات وصل لـ621,806. كمان قالت إن تم الإنتهاء من  مقترح تعديل اللائحة التنفيذية لدور الحضانة، وعملوا نظام متكامل لميكنة خدمات الطفولة المبكرة لتحسين معايير تشغيل الحضانات. والهدف هو معالجة التحديات اللي بتواجه المسئولين وزيادة فرص الأطفال في الحضانات.الوزيرة عرضت خطة مستقبلية لزيادة عدد الحضانات بحلول 2027، والهدف هو التحاق 13 ألف طفل بحضانات جديدة، ورفع كفاءة 113 حضانة، وإنشاء 176 حضانة، وتدريب 2308 ميسرات ومربيات.

كمان الدكتورة مايا مرسي عرضت مجموعة سيناريوهات للتوسع في الاستثمار لتغطية العجز في قطاع رعاية الطفولة، ونوهت لبعض التحديات والحلول اللي هيتعاونوا فيها مع الوزارات المعنية. 

المهندس شريف الشربيني, وزير الإسكان, أشار إلى إن عدد الحضانات في المدن الجديدة اللي تم تسليمها لوزارة التضامن وصلت 27 حضانة، منهم 13 حضانة شغالة. كمان فيه 77 حضانة جاهزة للتسليم.

أما بالنسبة للحضانات في مدارس التعليم الأساسي، فقال المهندس شريف الشربيني إن عدد المدارس في المدن الجديدة 308، و80 منهم مزودين بفصول حضانات.

ووجه رئيس الوزراء بإعادة استغلال المباني غير المستغلة في المدن الجديدة، وكلف وزير الإسكان بحصر المباني دي. كمان طلب إنه يتم تسهيل إجراءات الترخيص للحضانات في مراكز الشباب وقصور الثقافة.

وطلب مدبولي دراسة تحويل بعض المباني السكنية لرياض أطفال أو حضانات برسوم رمزية، ووضع مواصفات للحضانات للأطفال من يوم لحد 4 سنين، ومن 4 سنين لحد 6 سنين.

وفي النهاية، كلف مدبولي بتشكيل مجموعة عمل برئاسة وزيرة التضامن الاجتماعي لوضع خطة لزيادة عدد فصول الحضانات ورياض الأطفال.