معرض "الأبد هو الآن" من مؤسسة "Art D’Égypte" هو واحد من أهم الفعاليات الفنية اللي بينتظرها عدد كبير من الجمهور كل سنة. ده لأننا من خلال المعرض ده بنشوف قطع فنية معاصرة، بتتعرض جنبًا إلى جنب مع أهرامات الجيزة، عشان تبرز التواصل بين الإبداع القديم والمعاصر.

السنة دي، وفي النسخة الخامسة من المعرض، منصة Spotify انضمت كشريك البث الصوتي الرسمي للمعرض، وأطلقت قائمة تشغيل باسم "Art D’Égypte"، فريق Spotify اختارها بالتعاون مع منظّمي المعرض علشان تعكس إحساس كل عمل وروحه.

الفكرة دي هتخلي الجمهور يقدر يستمتع بتجربة موسيقية أثناء مشاهدة القطع، عن طريق إنك تعمل مسح للكيو آر كود الموجود جنب القطعة، عشان تسمع مقطوعة موسيقية خاصة بالقطعة دي، فتبقى تجربة بصرية وصوتية متكاملة.
عمر أشرف، مدير تسويق Spotify في مصر، قال: "مبسوطين نكون جزء من التجربة دي، ونقدّم للزوار فرصة يعيشوا الفن بطريقة جديدة، الموسيقى بتحكي روح كل عمل فني."
ونادين عبدالغفار مؤسسة Art D’Egypte أضافت: "انضمام Spotify معانا للمرة الأولى بيخلي الصوت والفن والمشاعر يمتزجوا بطريقة مبتكرة، وكل قطعة فنية دلوقتي ليها موسيقاها الخاصة اللي بتكمل تجربتها."
التجربة الجديدة دي بتخلي الزوار يكتشفوا إزاي الموسيقى بتدي الفن بعد جديد، وبتخلق تواصل بين التراث المصري العريق والإبداع المعاصر.

الموضوع اللي فات بداية من الأحد ١٦ نوفمبر.. حجز مسبق لدخول المتحف المصري الكبير

فتح باب استقبال الأفلام القصيرة بمهرجان بردية السينمائى حتى 15 فبراير