متحف جاير أندرسون بينظم معرض أثري للاحتفال بأسبوع الوئام بين الأديان

وقالت إدارة متحف جاير أندرسون إن المعرض بيعرض مجموعة من القطع الأثرية المميزة، واللي بتنتمي للعقائد الإسلامية والمسيحية واليهودية وبتتتمثل في مجموعة من المصاحف اللي معمولة بخط اليد وبترجع للعصرين المملوكي والعثماني، ومجموعة من قطع النسيج القبطي وعليها رمزيات للديانة المسيحية. وكمان من ضمن القطع صليب عليه تمثال مصلوب للسيد المسيح، وصفحات معدنية من كتاب التلمود.

المعرض بيقام في القاعة الزرقاء من متحف جاير أندرسون اللي بيتسمى كمان "بيت الكريتلية". "جاير" هو ظابط إنجليزي كان بيخدم في مصر وقدم طلب للجنة حفظ الآثار العربية إنه يسكن في البيت ويحط فيه أثاث على الطراز الإسلامي العربي ويعرض فيه مجموعة مقتنياته الأثرية وبعد موته يبقى ملك للدولة.