مسابقة للقصة القصيرة من iRead والقصص الفائزة هتتحول لكتاب وفيلم قصير

مسابقة Stories of Now هتقدملك الفرصة تكتب قصة قصيرة من إبداعك مستوحاة من قصص رواد أعمال حقيقية، وتحول أرقامهم وإنجازاتهم لحكايات إنسانية تلهم الناس، وتثبت إن ورا كل إنجاز قصة إنسانية مليانة أحلام وتحديات.

والمسابقة هتختار أفضل 10 قصص عشان تنتج كتاب ليهم على iRead eBooks، وأفضل 3 قصص هيحضروا ورشة متكاملة عن صناعة العمل الفني مع الكاتب أحمد مراد، المنتج طارق الجنايني، والمخرج كريم الشناوي، لمساعدتهم على تحويل قصصهم لسيناريو، وهيتم اختيار أفضل سيناريو من الـ 3 عشان يتحول لفيلم قصير.

باب التقديم للمسابقة مفتوح من دلوقتي ولحد 18 ديسمبر 2025، وعشان تعرف شروط المسابقة وتقدم تابع صفحة iRead.

People of Now هي منصة متخصصة في بناء العلاقات المهنية، ودعم الابتكار في عالم ريادة الأعمال.

فكرة المنصة بدأت من جوائز رواد الأعمال في مصر (Egypt’s Entrepreneur Awards)، وبعدها اتطورت عشان تكون منصة متكاملة بتدعم رواد الأعمال وبتمكنهم من من التواصل المباشر مع خبراء الصناعة، وفتح فرص وأسواق جديدة للشركات الناشئة.