مشروع "جرين شرم الشيخ" أطلق تطبيقين لتنظيم الأنشطة السياحية

إيه أول مكان بتفكر فيه لو عايز تزور أحلى محميات طبيعية في العالم، وتشوف أحلى منظر للشعاب المرجانية والكائنات البحرية، أكيد شرم الشيخ صح؟

شرم الشيخ مش بس مدينة ساحلية جميلة وبتجذب كل الناس من كل الجنسيات، دي كمان بتحاول دايمًا تكون صديقة للبيئة، وده بنشوفه في مشاريع كتير، زي مشروع "جرين شرم الشيخ" اللي هدفه يحوّل شرم الشيخ لمدينة نموذجية للسياحة المستدامة. مؤخرًا المشروع أطلق تطبيقين جداد وهما: تطبيق Eco-Monitor، ونظام التصاريح الإلكتروني E-Permitting، اللي هيساعدوا في جمع البيانات عن الحياة البحرية واستهلاك الموارد الطبيعية في المنطقة.

التطبيقين هيغطوا شرم الشيخ، رأس محمد وأبو جالوم في البحر الأحمر، وهيجمعوا بيانات بيئية شاملة علشان المشروع يقدر يحدد أهدافه للاستدامة.


مشروع "جرين شرم الشيخ" اللي بيشتغل على تحويل شرم الشيخ لمدينة صديقة للبيئة، أطلق تطبيق Eco Monitor وتطبيق E-Permitting لاستخراج التصاريح، والهدف من المشروع إنه يحوّل مدينة شرم الشيخ لنموذج مثالي للسياحة المستدامة.

التطبيقين هيغطوا شرم الشيخ، بالإضافة لمنطقة رأس محمد وأبو جالوم في البحر الأحمر، وهيجمعوا بيانات بيئية شاملة من الأماكن دي، علشان المشروع يقدر يحدد أهدافه ودوره في الحفاظ على البيئة.

تطبيق Eco Monitor هيجمع بيانات عن الحياة البحرية في البحر الأحمر بالتعاون مع الاتحاد المصري للغرف السياحية، زي غرفة سياحة الغوص والأنشطة البحرية، والبيانات هتكون عن الكائنات الأساسية زي: الدلافين، القروش، والسلاحف.

"ميزة التطبيق الجديد إن أول ما الشخص يسجل بيقدر ياخد تصريح بدري، ويشوف عدد السياح اللي بيستخدموا الموارد الطبيعية في أماكن معينة، وكمان يعمل عملية رصد لأي مخالفات موجودة في مكان الغوص".

ياسمين فؤاد – وزير البيئة

"الفكرة الجديدة في التطبيق إن القطاع الخاص هو اللي بيعمل الشغل، وده بيخلي الناس تشوف نجاحنا في إقناع القطاع الخاص إن البيئة هي المورد بتاعك في قطاع السياحة، ولو ماحافظتش عليها أنت هتكون أكتر واحد بتخسر".

ياسمين فؤاد – وزيرة البيئة

"فريق من الغواصين المحترفين هيبلغوا ملاحظاتهم بشكل يومي، وهيتم إنشاء قاعدة بيانات بالمعلومات دي".

محمد عليوة - مدير مشروع جرين شرم الشيخ

"بعد أول 6 شهور، التطبيق هيوسّع نطاقه علشان يشمل جوانب تانية من الحياة البحرية، زي الشعاب المرجانية، وكمان هيفتح المجال لمشاركة غواصين أكتر في جمع البيانات".

محمد عليوة - مدير مشروع جرين شرم الشيخ

التطبيق والنظام الإلكتروني الجديد E-Permitting لاستخراج التصاريح، بيسمح لشركات السياحة إنها تسجل أنشطتها وتقدم على التصاريح أونلاين بكل سهولة.

النظام والتطبيق ده هيسهّل جمع بيانات عن الأنشطة السياحية اللي بتحصل في المناطق المشمولة، وده هيساعد المشروع في فهم استهلاك الموارد الطبيعية هناك.

"النظام الإلكتروني الجديد أسهل وأسرع بكتير من التصاريح الورقية التقليدية، وكمان من غير أي تكلفة إضافية".

محمد عليوة - مدير مشروع جرين شرم الشيخ