نور الشربيني فازت ببطولة العالم للاسكواش

البطلة المصرية نور الشربيني لاعبة نادي "سبورتنج" والمصنفة التانية عالميًا لسيدات الاسكواش، فازت ببطولة العالم للاسكواش اللي بتستضيفها شيكاغو الأمريكية، وكانت خلال الفترة من 9 لـ 18 مايو الحالي، بمجموع جوائز مادية وصل لـ 635 ألف دولار للرجال والسيدات.

و"نور" فازت في المباراة النهائية على هانيا الحمامي المصنفة التالتة عالميًا، بنتيجة 3-1 في مباراة وصلت لـ 60 دقيقة، ونتيجة الأشواط جت كالتالي: 11-5، 11-9، 4-11، 11-7.

وبكده نور الشربيني حققت لقبها التامن ببطولة العالم علشان تعادل أكبر رقم قياسي في اللعبة.
"نور" نجحت قبل كده في التتويج بـ7 ألقاب قبل الموسم الحالي، خلال مواسم: 2015 ،2016، 2018-2019 ،2019-2020 ، 2020-2021، 2021-2022، 2022-2023.

وفي بطولة العالم للاسكواش للرجال فاز البطل المصري مصطفى عسل، المصنف الأول عالميًا، وده للمرة الأولى في تاريخه.
و"مصطفى" فاز في المباراة النهائية على علي فرج بنتيجة 3-0، في مباراة وصلت لـ 41 دقيقة ونتيجة الأشواط جت كالآتي: 11-7، 11-8، 11-3.