في رمضان بتكتر العزومات، وبتبدأي تخططي مع كل صحابك على فطار سوا، وتختاروا أماكن تفطروا أو تتسحروا فيها، بس وسط كل التخطيطات دي، بتسقطي حاجة كده وهي هتجيبي Outfits لكل الخروجات دي منين؟!
وعلشان في رمضان بتحبي تلبسي Modest وده موسم القفاطين، جمعنالك أماكن تشتري منها قفطان.

HK Designs

براند مصرية أسستها هديل الخطيب في سنة 2017، وهي متخصصة إنها تصمم لبس Modest، وأسعار القفاطين بتتراوح من 1150 لـ 2250 جنيه، وتقدر تشتري من موقعهم ، وليهم فروع في الشيخ زايد، القاهرة الجديدة، هيليوبوليس.

The Gallery

بيقدم قفاطين وعبايات ليها ستايل مغربي، وأسعار القفاطين بتتراوح من 1272 لـ 5590 جنيه. موجود في مول داون تاون، وألماظة، وتقدر تشتري أونلاين من تطبيق "بوتيت" أو موقعهم الإلكتروني من هنا

Chiffon

براند مصرية للبس المحجبات، وأسعار القفاطين بتتراوح من 1250 لـ 2950 جنيه. تقدر تشتري من موقعهم الإلكتروني من هنا

DND - designs

براند عنده مجموعة متنوعة من لبس رمضان بعنوان "بنت أكابر"، وتقدري كمان تشتري منه إكسسوارات رمضانية زي الأحزمة اللي ليها ستايل رمضاني جميل، والأسعار فيه بتتراوح من 2200 لـ 3400 جنيه، وتقدر تشتري من موقعهم من هنا

Pistage

بيقدم قفاطين بخامات مختلفة زي الستان والكتان، وبتعرض قفاطين ليها أشكال مختلفة زي القفطان الفستان، وأسعاره بتتراوح من 2000 لـ 6900 جنيه، وليهم فروع في مول العرب، القاهرة الجديدة، المنصورة، وكمان تقدر تشتري من موقعهم من هنا

Zing by Hala Selim

هما مش بس بيقدموا قفطان رمضاني ولكن كمان عندهم تشكيلات مختلفة وستايلها شيك من العبايات بألوان مبهجة، والأسعار بتتراوح بين 750 لـ 3650 جنيه، وليهم فرع في القاهرة الجديدة، تقدر تشتري من موقعهم من هنا

TAJ Sisters

براند مصرية أسستها رائدة الأعمال ميسر تاج سنة 2016 علشان توفر قطع ملابس مميزة توضح جمال كل سيدة، وبتقدم قفاطين رمضانية أسعارها بتترواح من 1450 لـ 2500 جنيه، وتقدر تشتري من موقعهممن هنا

Just a Stich

براند مصرية بتصمم لبس مميز ومنزلة مجموعة من القفاطين بمناسبة شهر رمضان، تقدر تشوفها من خلال صفحتهم على انستجرام ، وعلشان تعرف الأسعار وتشتري تقدر تزور فرعهم في الزمالك بشارع محمد مزهر، وبيكون مفتوح من الساعة 11 الصبح لـ 11 بليل.

COCOBELLE

براند بتقدم لبس، وجزم، وإكسسوارات، وكمان شنط، وبتقدم مجموعة خاصة لشهر رمضان من القفاطين، وأسعارها بتترواح بين 3400 لـ 3600 جنيه، وتقدر تشتري من خلال موقعهم من هنا

Hijab Boutique

براند متخصصة في لبس المحجبات بدأت سنة 2014، وليها فروع في القاهرة الجديدة، سيتي ستارز، الشيخ زايد، هيليوبوليس، الإسكندرية، وبتعرض مجموعة من القفاطين والعبايات الرمضانية بتتراوح أسعار من 1100 لـ 4000 جنيه، وتقدر تشتري من موقعهم أو فروعهم.

Amalia

بتقدم لبس للستات من جاكيتات، وجيب، وبناطيل، وشنط، وكمان قفاطين بمناسبة رمضان، وأسعارها بتتراوح من 1750 لـ 2800 جنيه، وتقدر تشتري من موقعهم

Obi boutique

براند مصرية بدأت سنة 2019، بتقدم لبس يناسب الستات في كل المناسبات، وبتعرض قفاطين وفساتين وعبايات تناسب أجواء رمضان، وأسعارها بتتراوح من 1650 لـ 2800 جنيه، وتقدر تشتري من خلال موقعهم من هنا

NH Designs

براند بيقدم لبس للستات شيك وتريندي في نفس الوقت، له فروع في مدينتي، مول العرب، District 5، وبيعرض قفاطين رمضانية بتتراوح أسعارها من 1300 لـ 2500 جنيه، وتقدر تشتري من موقعهم من هنا

Le Voile

براند مصري مخصص للمحجبات بيوفرلهم طرح، باديهات، بندانات، لبس، إكسسوارات، وفي رمضان بيقدم قفاطين بتتراوح أسعارها من 850 لـ 1600 جنيه، وتقدر تشتري من موقعهم أو من فروعهم في الميرغني، والحجاز، وعباس العقاد، النزهة، جنينة مول، سيتي ستارز، جاليريا مول بالتجمع الخامس، بوينت 90 مول بالتجمع الخامس، الرباط مول، يارد مول في الرحاب، مدينتي، المقطم، المعادي، المهندسين، 6 أكتوبر، ميامي في الإسكندرية، سموحة في الإسكندرية، سان ستيفانو مول بالإسكندرية، المنصورة، الزقازيق.

إطلاق موقع إلكتروني لإجراءات التصالح بمخالفات قانون الإسكان الاجتماعي