7 أفلام رعب قصيرة تتفرج عليها في أقل من 5 دقايق

قاعد في مكتبك فاضي النهاردة ومافيش وراك شغلك كتير، أو عندك 5 دقايق فاضيين نفسك تنام فيهم بس خايف تتقفش وبتدور على حاجة تعملها؟ أنت كده محتاج جرعة أدرينالين تصحصحك. طلبك عندي، في الليست دي هنفرجك على 7 أفلام رعب كل فيلم فيهم مدته ماتعديش  5 دقايق، حاجة كده تفوقك بس ما تاخدش من وقتك كتير.

Night Terror :

الأبواب المقفولة دايما بتخبي وراها حاجات كتير، فلو فتحت الباب يا ترى هتلاقي ايه؟

Whisper :

بالليل وقت النوم مابيبقاش فى صوت، بس لو في صوت واحد بس وبينده عليك، هايبقى جاي منين؟

Hospice :

الدكاترة والممرضات في شغلهم ياما بيشوفوا، بس اللي هتشوفه "شارون" في الفيلم ده مش قليل أبدا

No Service :

تعمل إيه لو قاعد في بيتك عادي وفجأة تنقطع عنك أي وسيلة اتصال بالعالم الخارجي، ولا عارف توصل لحد ولا حد قادر يوصلك، طيب ايه اللي ممكن يحصل؟

Passenger :

وأنت مسافر لوحدك على الطريق بالليل، وارد إنك تتعب وتحتاج تركن على جنب وتريح شوية، بس مش دايمًا أمان إنك تعمل كده.

Lot 254 :

الموضوع كله بيبدأ أول ما تبص في الكاميرا، فخد بالك من اللي هتشوفه .

Lights out :

من غير شرح كتير، بس بعد ما تشوف الفيلم ده هتفكر مرتين قبل ما تطفي النور لما تيجي تنام.