مسلسلات رمضان 2025

المسلسل بيحكي عن ست بتكتشف خيانة جوزها، وبتقرر تنفصل عنه وتدور على قصة حب جديدة، بس بتتورط في صراعات كتيرة بتغير حياتها. 

المسلسل من بطولة ياسمين عبد العزيز،  كريم فهمي، خالد سليم، نيكول سابا، أنوشكا، بسنت شوقي، صلاح عبد الله ومن تأليف عمرو محمود ياسين، وإخراج محمد الخبيري، وإنتاج شركة سينرجي.

العرض على قناة On و منصات شاهد وwatch it. 

منتهى الصلاحية

المسلسل بتدور أحداثه عن موظف بنك اسمه "صالح" اللي بيلعب دوره محمد فراج، اللي بيمر بمشكلة تخليه يخسر شغله وتنفصل عنه زوجته وعلاقته ببنته بتبقى غير مستقرة، وبعد ما يخرج من السجن يحاول يبني حياته من جديد من خلال القمار الإلكتروني؛ وده بيخليه يدخل عالم مليان مخاطر. 

المسلسل من بطولة محمد فراج، وياسمين رئيس، وهبة مجدي، وحسن مالك، ومن تأليف محمد هشام عبية، وإخراج تامر نادي، وإنتاج عبدالله أبو الفتوح.

العرض على قناة Mbc مصر ومنصة شاهد.

إش إش

المسلسل بيحكي عن رقاصة درجة تالتة بترقص في الأفراح الشعبية، وبتدخل في علاقة حب مع المعلم رجب الجريتلي اللي بيلعب دوره ماجد المصري، وكمان محمد الشرنوبي، وطموحها بيورطها في صراعات كتيرة مع رجال أعمال كبار في المجتمع، علشان رغبتها في إنها تحسن حياتها وتساعد مامتها اللي بتقوم بدورها انتصار.

المسلسل من بطولة مي عمر، ماجد المصري، هالة صدقي، إدوارد، دينا، انتصار، طارق النهري، شيماء سيف، محمد الشرنوبي، علاء مرسي، إيهاب فهمي، وهو من تأليف وإخراج محمد سامي.

العرض على قناة mbc مصر و mbc دراما، ومنصة شاهد. 

عقبال عندكوا

بتدور أحداثه في حلقات منفصلة، بحيث يحكي قصة جديدة كل حلقتين على مدار 15 حلقة، وبتظهر  إيمي سمير غانم بأدوار مختلفة، زي مدرسة لغة عربية وبائعة عطور وموظفة ومدونة موضة، في إطار اجتماعي كوميدي.

المسلسل من بطولة حسن الرداد، إيمي سمير غانم، محمد ثروت، علاء مرسي، إنعام سالوسة، عارفة عبد الرسول، وإسماعيل فرغلي، من تأليف أحمد سعد والي وعلاء حسن وإخراج علاء إسماعيل.

العرض على قناة cbc ،dmc ،ON، الحياة، ومنصة watch it.

الحلانجي

المسلسل بيحكي عن "طه الحلانجي" اللي بيلعب دوره محمد رجب، اللي بيدخل السجن في قضية إتجار في الحشيش، ولما بيخرج بيسعى للانتقام من اللي دخلوه السجن، وبتتصاعد الأحداث.

المسلسل من بطولة محمد رجب، أيتن عامر، أحمد وفيق، عبير صبري، محمود قابيل، محمد لطفي، دانا حلبي، هالة فاخر، طارق صبري، إبراهيم السمان، ميمي جمال، سامي مغاوري، ومن تأليف محمود حمدان، وإخراج معتز حسام.

العرض على قناة النهار.

قهوة المحطة

المسلسل بيحكي عن شاب صعيدي من سوهاج اسمه "مؤمن" بيحلم بالتمثيل، ولكنه بيشتغل في قهوة المحطة مع الحاج "رياض" صاحب القهوة اللي بيتخانق معاه وبعدها بتحصل جريمة قتل لـ "مؤمن" وقت انقطاع الكهرباء، وبيحقق في الجريمة دي الظابط "عمر"، وبيستجوب كل اللي بيجوا القهوة، ومن خلال نوتة "مؤمن" بنعرف قصته، والفلاش باك بيخلينا نعرف جوانب كتير عن شخصية "مؤمن" على لسان الشخصيات اللي بيتم التحقيق معاهم.

المسلسل مكون من 15 حلقة، ومن بطولة بيومي فؤاد، هالة صدقي، رياض الخولي، أحمد خالد صالح، حسن أبو الروس، انتصار، علاء مرسي، أحمد غزي، وإنتاج تامر مرسي، وإخراج إسلام خيري، وتأليف عبد الرحيم كمال.

العرض على قناة cbc ،dmc ،ON، الحياة، منصة yango play. 

العتاولة 2

الموسم التاني من مسلسل "العتاولة" بيحكي إن "نصار" بيلاقي نفسه في محنة كبيرة لما بيكتشف إن بنته بتعاني من مرض خطير بيحتاج فلوس بالملايين علشان تتعالج، وده بيخليه يتعاون تاني مع "خضر"، ويشتغلوا لصالح "عيسى الوزان"، ويواجهوا عدو جديد ليهم.

المسلسل من بطولة أحمد السقا، طارق لطفي، زينة، باسم سمرة، فيفي عبده، نسرين أمين، مصطفى أبوسريع، هدى الإتربي، ثراء جبيل، مريم الجندي، أحمد كشك، مي القاضي، وزينب العبد، ومجموعة كبيرة من النجوم اللي هيظهروا كضيوف شرف، ومن إخراج أحمد خالد موسى، ومن إنتاج صادق الصباح، ومن تأليف مصطفى جمال هاشم.

العرض  على قناة Mbcمصر ومنصة شاهد. 

نص الشعب اسمه محمد

المسلسل بيحكي عن "محمد" مهندس التكييف اللي بيعيش حياة روتينية مملة، وبيحاول يغير نمط وروتين حياته بأي طريقة، وبيقع في حب بنتين مختلفتين وبيخطط يتجوز من الاتنين في نفس الوقت، لكن بيتورط في مشاكل كتير نتيجة اختياراته.

المسلسل بيتكون من 15 حلقة، ومن بطولة عصام عمر، رانيا يوسف، هاجر السراج، محمد محمود، شيرين، محمد عبدالعظيم، دنيا سامي، وألفت إمام، ومن تأليف محمد رجاء، وإخراج عبدالعزيز النجار، وإنتاج أمير شوقي.

العرض على قناة Mbc مصر ومنصة شاهد.

لام شمسية

المسلسل بيحكي عن "نيللي" اللي بتلعب دورها أمينة خليل، وهي مدرسة في واحدة من المدارس الدولية، وأحداث المسلسل بتعرض الأذى النفسي اللي بيتعرض ليه الإنسان في مراحل مبكرة من حياته. والمسلسل بيوضح أهمية خلق مساحة تواصل أكبر وأعمق بين الأبناء والآباء لحمايتهم من المشاكل دي.

المسلسل من بطولة أمينة خليل، يسرا اللوزي، أحمد السعدني، محمد شاهين، صفاء الطوخي، ياسمينا العبد، محمد شاهين، أسيل عمران، يارا رجب، ومن إخراج كريم الشناوي وتأليف مريم نعوم.

العرض على قناة cbc ،dmc، ON، الحياة، ومنصة watch it، شاهد.

سيد الناس

المسلسل بيحكي عن "جارحي" اللي حياته بتتغير تمامًا بعد وفاة والده، وبيلاقي نفسه قدام أحداث غامضة وثروة كبيرة وأعداء، وبيبدأ يدخل في صراعات كتيرة علشان يحمي عيلته وورثه.

المسلسل من بطولة عمرو سعد، إلهام شاهين، سلوى عثمان ،  أحمد زاهر، خالد الصاوى ، وأحمد رزق، وإنجي المقدم، وبشرى، رنا رئيس ، ريم مصطفى، منة فضالى، أحمد فهيم، طارق النهرى وتأليف ورشة قلم ، وإخراج محمد سامي.

العرض على قناة  mbc مصر، mbc دراما، ومنصة شاهد. 

المداح 5: أسطورة العهد

في الموسم الخامس من "المداح"، "صابر" بيكمل حروبه ضد الجن، وبيحاول يتغلب عليهم ويتخلص من شرورهم، وده بيأثر على حياته الشخصية.

المسلسل من بطولة حمادة هلال، غادة عادل، خالد الصاوي، هبة مجدي، حنان سليمان، خالد سرحان، أحمد بدير، دنيا عبد العزيز، جوري بكر، تامر شلتوت، طارق النهري، ومن تأليف أمين جمال وشريف يسري، إخراج أحمد سمير فرج.

العرض على قناة Mbcمصر و منصة شاهد.

جودر 2

المسلسل بيحكي قصة "جودر الصياد" ابن التاجر "عمر" وإخواته، وبتعتبر شخصية جودر من أشهر حكايات "ألف ليلة وليلة" واللي بتستمر من الليلة 608 لليلة 633.

المسلسل من بطولة ياسر جلال، نور ، ياسمين رئيس، تارا عماد، وفاء عامر، جيهان الشماشرجي، عبد العزيز مخيون، أحمد بدير، وليد فواز، أيتن عامر، هنادي مهنا، محمود البزاوي، محمد التاجي، سامي مغاوري، عايدة رياض، أحمد فتحي، مجدي بدر، محمد علي رزق، أحمد كشك، أحمد ماجد وتأليف أنور عبد المغيث وإخراج إسلام خيري.العرض على قناة cbc ،dmc، ON، الحياة، watch it ، منصة yango play.

ولاد الشمس

بطولة أحمد مالك ومحمود حميدة  وطه دسوقي و من تأليف مهاب طارق و إخراج شادي عبد السلام. وبيحكي عن طفولة أحمد مالك و طه دسوقي اللي عاشوها في دار أيتام  وتعرضهم للتنمر من مدير الدار و تعرضهم للإجبار منه على النصب و السرقة. المسلسل هيتعرض علي قنوات ON- DMC - CBC و منصة  WATCH IT
 

حكيم باشا

دراما صعيدية بتحكي عن تاجر بيقوم بدوره مصطفى شعبان، اللي بيدخل في مشكلة قدام منذر رياحنة، وده بيخلق تحديات وصراعات متواصلة.

المسلسل من بطولة مصطفى شعبان، منذر رياحنة، سهر الصايغ، رياض الخولي، أحمد فؤاد سليم، سلوى خطاب، ومن إخراج أحمد خالد أمين، وتأليف محمد الشواف.العرض على قناة  cbc، dmc ،ON، الحياة،  منصة watch it.

فهد البطل 

المسلسل بيحكي عن "فهد" صنايعي رخام بيشتغل في مصنع في شق الثعبان وهرب من عيلته في الصعيد و بيقع في حب زميلته "كناريا". 

بطولة أحمد العوضي، ميرنا نور الدين، كارولين عزمي, وتأليف محمود حمدان وإخراج محمد عبد السلام. 

العرض على قناة cbc، dmc، ON، الحياة، ومنصة watch it. 

 الكابتن

 بتدور أحداث المسلسل في شكل كوميدي عن  كابتن طيار حسام اللي بيلعب دوره أكرم حسني، واللي بيعمل غلط كبير في واحدة من رحلاته بتخلي الطيارة تقع، ويكون هو الناجي الوحيد من الرحلة، وبعدها بيتفاجئ بظهور أرواح الركاب ليه، وبيدخل رحلة كلها كوميديا مع أرواح الركاب. 

المسلسل من بطولة أكرم حسني، وآية سماحة، وسوسن بدر، وسامي مغاوري، وميمي جمال، ورحمة أحمد، وأحمد الرافعي، وأحمد عبد الوهاب، ومحمد رضوان، وإنتاج الشركة المتحدة للخدمات الإعلامية وإخراج معتز التوني.

العرض على قناة cbc وdmc وON والحياة و منصة watch it.

 النُص 

المسلسل بيحكي عن  "عبد العزيز النُص" اللي بيتحول من مجرد نشال سيء السمعة لبطل شعبي،  بعد تأسيسه حركة مقاومة وطنية ضد الاحتلال الإنجليزي.

المسلسل من بطولة أحمد أمين، صدقي صخر، أسماء أبو اليزيد، عبد الرحمن محمد، حمزة العيلي، دنيا سامي، سامية الطرابلسي، ومن تأليف شريف عبد الفتاح، عبد الرحمن جاويش ووجيه صبحي وإخراج حسام علي.

العرض على قناة cbc وdmc وON والحياة ومنصةyango play.

 شهادة معاملة أطفال 

بطولة محمد هنيدي و تأليف  محمد سليمان عبدالمالك وإخراج سامح عبد العزيز  وبتدور أحداثه عن محمد هنيدي اللي بيفوق من غيبوبة بعد 20 سنة وبعدها هيبتدي يواجه الحياة في شكل كوميدي. وهيتعرض على cbc وdmc وON والحياة و watch it 

حسبة عمري

 بطولة روجينا و محمود البزاوي ومحمد رضوان. وتأليف محمود عزت وإخراج مي ممدوح. وبتدور أحداثه عن روجينا اللي بتتغير حياتها بعد اكتشافها سر كبير و بعد طلاقها. المسلسل هيتعرض على cbc وdmc وON والحياة و watch it 

الأميرة- ضل حيطة

 من بطولة ياسمين صبري ونيقولا معوض ووفاء عامر ونضال الشافعي , تأليف محمد سيد بشير وإخراج شيرين عادل. بتدور أحداثه عن بنت بسيطة شغالة في محل ملابس وبتتغير حياتها بعد ما بتكتشف خيانة جوزها مع أقرب أصدقائها. المسلسل هيتعرض على قناة النهار وأبو ظبي. 

 شباب امرأة

 بطولة غادة عبد الرازق ويوسف عمر ومحمد محمود. و مستوحى من رواية شباب امرأة اللي سبق واتقدمت كفيلم من بطولة تحية كايروكا وشكري سرحان. المسلسل من تأليف محمد سليمان عبد المالك و إخراج أحمد حسن, وبيحكي عن شاب من الأرياف هيأجر أوضة عند المعلمة شفاعات اللي بتقوم بدورها غادة عبد الرازق. المسلسل هيتعرض على قناة النهار وهي 

 80 باكو 

بطولة هدى المفتي ومحمود يسري و رحمة أحمد حسن. المسلسل من تأليف غادة عبد العال و إخراج كوثر يونس. وبيدور عن كوافيرة اسمها بوسي اللي محتاجة 80 ألف جنيه عشان تكمل جوازها، و هيتعرض على Mbc مصر وشاهد

 إخواتي 

بطولة نيللي كريم ,كندة علوش ,روبي وجيهان الشماشرجي و هما 4 أخوات و المسلسل بيناقش حياتهم و اللي بيتعرضوله، المسلسل من تأليف مهاب طارق وإخراج محمد شاكر خضير  وهيتعرض على cbc وdmc وON والحياة و watch it وشاهد 

 عايشة الدور 

المسلسل بيحكي عن "عايشة" اللي بتقدمها دنيا سمير غانم، وهي منفصلة وليها بنت وولد، وبسبب بنت أختها اللي عايشة برا وقررت فجأة ترجع تدرس في مصر، بتبدأ "عايشة" تتقمص شخصيتها وتروح للجامعة مكانها، وفي أول يوم لبنت أختها في دراسة المسرح، بتحصلها ظروف متقدرش تحضر المقابلة، وده اللي بيدفع "عايشة" إنها تروح مكانها وبيقبولها وتضطر تكمل الدراسة مكانها. 

المسلسل من بطولة دنيا سمير غانم، محمد ثروت، سماء إبراهيم، محمد كيلاني، رحاب الجمل، أميرة أديب، وفدوى عابد، ومن إنتاج محمد أحمد السبكي  وتأليف كريم يوسف وأحمد الجندي  وأشرف نصر، وندى عزت، وسامح جمال و نانسي عكيله وإخراج أحمد الجندي

العرض على cbc وdmc وON والحياة و watch it وشاهد.

ظلم المصطبة 

المسلسل بتدور أحداثه في مدينة دمنهور عن "حسن" اللي بيتنافس مع صاحبه "حمادة" على حب "ربيعة". لما "حسن" بيسافر برا البلد، هنا بتيجي الفرصة لـ "حمادة" إنه يفوز بحب "ربيعة"، وبيقدر بنفوذ أخوه "الشيخ علاء" إنه يحقق مصالحه الشخصية.

المسلسل من بطولة إياد نصار، ريهام عبد الغفور، فتحى عبد الوهاب، بسمة، أحمد عزمى، محمد على رزق، ومن تأليف أحمد فوزي صالح، وإخراج هاني خليفة ومحمد علي.

العرض على cbc وdmc وON والحياة و watch it.

كامل العدد 3 

بطولة دينا الشربيني و شريف سلامة و إسعاد يونس و حسين فهمي. و تأليف رنا أبو الريش و يسر طاهر. وإخراج خالد الخلفاوي. والمسلسل بتدور أحداثه عن تغير حياة ليلى بعد رجوع طليقها لحياتها تاني و المسلسل هيتعرض على cbc وdmc وON والحياة و watch it وشاهد 

 الغاوي 

بطولة أحمد مكي وعائشة بن أحمد وعمرو عبد الجليل. وتأليف محمود زهران وطارق الكاشف وإخراج محمد جمال العدل. و بيحكي عن شمس ناصر العدوي"، راجل من منطقة شعبية، بتتغير حياته بشكل كبير بعد تعرضه لظلم شديد، فهيبدأ في مواجهة تحديات وصعوبات هتحوله لبطل شعبي في نظر أهله ومنطقته. المسلسل هيتعرض على قناة الحياة و ON, CBC, DMC ومنصة WATCH IT 

 أشغال شقة جداً 

بطولة هشام ماجد و أسماء جلال اللي هيخشوا مغامرات جديدة وكوميدية مع عيالهم بعد ماكبروا. المسلسل تأليف خالد وشيرين دياب و إخراج خالد دياب وهيتعرض على Mbc مصر وشاهد

حياة أو موت

المسلسل بيحكي عن دكتورة اسمها "حياة" اللي بتقوم بدورها حنان مطاوع، اللي بيتم اتهامها بجريمة قتل وبتدخل في صراعات كتير بتغير حياتها.

المسلسل من بطولة حنان مطاوع، محمد علي رزق، سلوى محمد علي، رنا رئيس، وإخراج أحمد السبكي.

العرض  على قناة النهار .

في لحظة
بطولة أحمد فهمي، وميرنا نور الدين، وتأليف هشام هلال وإخراج أحمد خالد وتدور قصة مسلسل «في لحظة»، حول سيف- أحمد فهمي- وفريدة- ميرنا نور الدين اللي بيعانوا من مشاكل الثقة في حياتهم و لكن بيحصل حدث بيغير حياتهم. وهيتعرض على TOD